ໝວກເຫຼັກທັນສະໄໝຂອງທະຫານຍີ່ປຸ່ນ
ຕາມເວັບໄຊ້ ກະຊວງປ້ອງກັນປະເທດຢີ່ປຸ່ນ ເປີດເຜີຍເມື່ອບໍ່ດົນມານີ້ ວ່າ: ຍີ່ປຸ່ນ ໄດ້ຜະລິດ ໝວກເຫລັກ ຂອງທະຫານ
ທີ່ຖືເປັນປັດໄຈຫຼັກອັນໜຶ່ງ ໃນການຊ່ວຍຊີວິດຂອງທະຫານຈາກການສູ້ຮົບ ໂດຍໝວກບາງຊະນິດບໍ່ພຽງແຕ່ປ້ອງກັນລູກກະ
ສຸນເທົ່ານັ້ນ ແຕ່ມັນຍັງຊ່ວຍໃຫ້ທະຫານສາມາດເບິ່ງເຫັນສັດຕູຝ່າຍກົງກັນຂ້າມໄດ້ໃນເວລາກາງຄືນອີກດ້ວຍ ເຊັ່ນດຽວກັບ
ໝວກ Kevlar ຂອງທະຫານຍີ່ປຸ່ນ.
Kevlar ເປັນໝວກເຫຼັກ ທີ່ມີຄວາມແຂງແກ່ນສູງ ທັງປ້ອງກັນຄວາມຮ້ອນໄດ້ດີ ເພາະມັນຖືກຜະລິດດ້ວຍວັດຖຸຊະນິດ
ພິເສດ ທັງມີນ້ຳໜັກເບົາ. ຄຸນສົມບັດພິເສດຂອງມັນມີຄື: ສາມາດເບິ່ງເຫັນເປົ້າໝາຍໃນເວລາກາງຄືນດ້ວຍແສງອິນຟາເລດ,
ເບິ່ງເຫັນໄດ້ໃນໄລຍະໄກບໍ່ວ່າຢູ່ເທິງບົກ ແລະ ໃຕ້ນ້ຳ. ພິເສດແມ່ນໝວກຊະນິດນີ້ ໄດ້ມີການປະສົມປະສານກ້ອງສ່ອງທີ່ມີ
ຫຼາກຫຼາຍແອັບພລີເຄຊັນ ເຊັ່ນ: ວັດແທກອຸນຫະພູມ, ບອກໄລຍະທາງ, ມີລະບົບວິທະຍຸສື່ສານ, ມີແສງເລເຊີທີ່ຊີ້ເປົ້າໝາຍ
ໄດ້ທັງເວັນ ແລະ ຄືນ, ມີກ້ອງກວດຈັບທຸກການເຄື່ອນໄຫວໄດ້ໄນໄລຍະ 50 ແມັດ.
ສຳລັບໝວກຊະນິດນີ້ ນອກຈາກຈະມີຄວາມທັນສະໄໝທີ່ສ້າງຕາທິບໃຫ້ກັບທະຫານແລ້ວ ມັນຍັງມີນ້ຳໜັກເບົາ ແລະ
ມີໂຄງສ້າງທີ່ແຂງແຮງ ແຖມຍັງມີຫຼາຍແບບໃຫ້ເລືອກ ເຊິ່ງແຕ່ລະແບບກໍ່ມີຄຸນສົມບັດໃກ້ຄຽງກັນເຊັ່ນ: ພວກມັນສາມາດ
ມ້າງປະກອບໄດ້, ປ້ອງກັນຄວາມຮ້ອນ ແລະ ສາມາດກັນນ້ຳເລິກໄດ້ເຖິງ 2 ແມັດ.
ແຫຼ່ງທີ່ມາ: ໜັງສືພິມກອງທັບ
ວັນທີ 22/12/2023